Joriy yilning 6-8 aprel kunlari bo‘lib o‘tgan ushbu sammitda dunyoning turli mamlakatlaridan, jumladan Italiya, Ispaniya, Indoneziya, Angliya, Rossiya, Kolumbiya, Braziliya, Pokiston, Eron, Hindiston, Sudan, Xitoy, Ozarbayjon, Xitoy va O‘zbekistondan yosh diplomatlar o‘zaro fikr almashishdi.
Ushbu dasturda ishtirokchilar bir qator puxta ishlab chiqilgan modullar orqali zamonaviy xalq diplomatiyasi amaliyotlari, mahalliy xalqlarning tutgan o‘rni, san’at va faollikning kesishuvi hamda madaniy aloqalarning asosiy rolini o‘rganishdi.
Jizzax davlat pedagogika universiteti Xorijiy tillar fakulteti “Ingliz tili nazariyasi va amaliyoti” kafedrasi katta o‘qituvchisi Dildora Bahriddinova Toshkent shahrida bo‘lib o‘tgan ushbu sammitda ishtirok etib, xalqaro diplomatiya borasidagi bilimlarini oshirib qaytdi.
Shuningdek, sammit ishtirokchilari Pokistonning O‘zbekistondagi muxtor elchisi H.E. Ahmed Farooqning taklifiga binoan Pokiston elchixonasida bo‘lib, nazariy bilimlarni amaliyotda targ‘ib etish imkoniyatiga ega bo‘lishdi. Sammit qiziqarli va xalqaro tajribalarga boy tarzda bo‘lib o‘tdi.
