12–14-avgust kunlari 2025/2026 o‘quv yilida texnikumlarni muvaffaqiyatli tamomlagan bitiruvchilarni suhbat asosida oliy ta’limga qabul qilish bo‘yicha imtihonlar tashkil etildi.
Imtihonlarda umumiy 133 nafar abituriyentdan 111 nafari ishtirok etdi. Jarayonlarda 20 nafardan ziyod mutaxassislar ham jalb etildi.
Imtihonlarda qatnashgan barcha mutaxassislar, abituriyentlar, talabalar va qabul komissiyasi a’zolariga korrupsiya va manfaatlar to‘qnashuvi holatlarini sodir etmaslik, bunday holatlar aniqlangan taqdirda esa darhol universitetning Korrupsiyaga qarshi kurashish bo‘limiga yoki tegishli davlat organlariga murojaat qilishlari zarurligi to‘g‘risida tushuntirish ishlari olib borildi. Shuningdek, bu kabi holatlarga yo‘l qo‘yganlarga nisbatan belgilangan tartibda choralar ko‘rilishi haqida qat’iy ogohlantirildi. Imtihon jarayonida va hozirga qadar korrupsiya yoki manfaatlar to‘qnashuvi holatlari bo‘yicha Bo‘limga hech qanday murojaat kelib tushmadi.
