JDPUda kurash musobaqalari o‘tkazildi.

“Polvonlari ko‘p yurt qudratli bo‘lar” deganlaridek bu musobaqa turli fakultetlarda tahsil olayotgan talaba yoshlarni o‘zida birlashtirdi. Bu esa O‘zbekiston polvonlar yurti ekanligi, polvonlik kasb, soha, yosh tanlamasligini ko‘rsatmoqda.

Yoshlarni sportga keng jalb qilish va ular orasidan iqtidorli sportchilarni saralab olish, sport turlari bo‘yicha yuqori natijalarni ta’minlaydigan mahoratli sportchilar bilan milliy terma jamoalarni shakllantirish maqsadida o‘tkazilayotgan musobaqalarda universitet talabalari faol ishtirok etishmoqda.

Sportning kurash turi bo‘yicha tashkil etilgan musobaqada 50 dan ziyod yosh polvonlar jami 5 ta vazn toifasida gilamda o‘zaro bellashishdi.