«Toshkent irrigatsiya va qishloq xo‘jaligi instituti» milliy tadqiqot universitetida Oliy ta’lim, fan va innovatsiyalar vazirligi tomonidan «Talabalar forumi» tashkil etildi.
Forumda respublikamizdagi barcha oliy ta’lim muassasalaridan iqtidorli talaba-yoshlar onlayn va oflayn tarzda ishtirok etishdi.
Jizzax davlat pedagogika universitetidan onlayn shaklda ishtirok etgan Jizzax viloyatidagi oliy ta’lim muassasalari talabalari bir qator mavzularda o‘z fikr-mulohazalarini bildirishdi. Jumladan, Jizzax davlat pedagogika universiteti pedagogika va psixologiya fakulteti birinchi bosqich talabasi E’zoza Quvondiqova iqtidorli talabalarni magistraturada tahsil olishlari uchun yanada ko‘proq qulayliklar yaratish bo‘yicha o‘z taklifini ilgari surdi.
