Universitetning Madaniyat saroyida fakultetlar jamoalari o‘rtasida “Ma’rifat maydoni” tanlovi o‘tkazildi. Tanlov talaba-yoshlar o‘rtasida ajdodlar merosini o‘rganish, atoqli adiblar va mutafakkirlarimiz ijodiy merosini keng targ‘ib qilish, talaba-yoshlarning adabiyotga qiziqishlarini yanada oshirish, ularga o‘z iqtidorlarini namoyish etishlari uchun imkoniyatlar yaratish, hamda ularni rag‘batlantirish maqsadida tashkil etilgan.
Tanlovda O‘zbek tili va adabiyoti fakultetining “Ma’rifatparvarlar” jamoasi faxrli 1-o‘rinni, Xorijiy tillar fakultetining “Ma’rifatparvar” jamoasi 2-o‘rinni, Pedagogika va psixologiya fakultetining “Ziyo chashmasi” jamoasi 3-o‘rinni, Tabiiy fanlar fakultetining “Avitsenna” jamoasi 4-o‘rinni, Rus tili va adabiyoti fakultetining “Zakiylar” jamoasi 5-o‘rinni qo‘lga kiritdi. O‘zbek tili va adabiyoti fakultetining “Ma’rifatparvarlar” jamoasi tanlovning 2-hududiy bosqichida qatnashish uchun yo‘llanmani qo‘lga kiritdi.
