Talaba teatr studiyalari tomoshalari davom etmoqda…

Teatrga oshno insonning ko‘ngli toza, vijdoni pok bo‘ladi teatr qadriyatini, san’atga bo‘lgan muhabbatni yoshlarning qon-qoniga singdirish har jabhada faol, sahna hayotiga qiziqqan iqtidor sohiblarini aniqlash maqsadida bugun Jizzax davlat pedagogika institutining barcha fakultetlarida talaba teatr studiyalari tashkil topgan. Mana bir necha kundirki ana o‘sha jamoalar tomonidan sahnalashtirlgan spektakllar navbati bilan namoyish etib kelinmoqda. Bugun Jizzax davlat pedagogika institutining Madaniyat saroyida Maktabgacha ta’lim fakulteti  iqtidorli talabalari tarkibidan iborat “Ijod” teatr studiyasi tomonidan “Taqdir zarbalari” spektakli namoyish etildi. Odam savdosiga qarshi kurash kabi dolzarb mavzuni o‘z ichiga olgan ushbu spektakl ta’sirli sahna ko‘rinishlari bilan tomoshaga yig‘ilganlarda  yaxshi taassurot qoldirdi desak mubolag‘a qilmagan bo‘lamiz.   —Mana shunday sahnaga chiqib, ustozlar qolaversa tengdoshlar ko‘z o‘ngida inson dardi va kechinmalarini rollar orqali ijro eta olishning o‘zi ham jasorat. Jizzax davlat pedagogika instituti mana shunday jasoratga ega eng sara iste’dodli yoshlardan iborat teatr studiyalari bugun o‘zlarining sahnalashtirgan spektakllarini bilan ma’naviyatni, ezgulikni targ‘ib etishmoqda. Barcha  teatr jamoalarga qolaversa Ijod teatr studiyasiga bu ishda ko‘makchi bo‘layotgan ustozlarga bir olam ma’naviy zavq olgan tomoshabin sifatida o‘z minnatdorchiligimni  izhor qilaman ,— deydi Jizzax davlat pedagogika instituti Yoshlar bilan ishlash bo‘yicha prorektori Sarvar Nazarqosimov   Teatr yakunida barcha ishtirokchilar Maktabgacha ta’lim fakulteti dekanati tomonidan tashkil etilgan esdalik sovg‘alari va diplomlar bilan taqdirlandilar.