“Tadqiqotchilik va kreativ sa’y-harakatlarni qo‘llaymiz” 10-Xalqaro talabalar simpoziumi boshlandi. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
“Tadqiqotchilik va kreativ sa’y-harakatlarni qo‘llaymiz” 10-Xalqaro talabalar simpoziumi boshlandi.

Yangiliklar

15/11/2025

Chop etish

“Tadqiqotchilik va kreativ sa’y-harakatlarni qo‘llaymiz” 10-Xalqaro talabalar simpoziumi boshlandi.

Bugun “Tadqiqotchilik va kreativ sa’y-harakatlarni qo‘llaymiz” mavzusidagi 10-Xalqaro talabalar simpoziumi o‘z ishini boshladi. Simpozium talaba-yoshlar o‘rtasida ilmiy munozaralar olib borish, og‘zaki taqdimot ko‘nikmalarini rivojlantirish hamda professor-o‘qituvchilar va talabalar o‘rtasidagi o‘zaro hamkorlikni yanada mustahkamlashga qaratilgan.

Tadbirni Ipak yo‘li Tadqiqot akademiyasi raisi Azamat Akbarov ochib berdi. Shundan so‘ng so‘z Oliy ta’lim Senatining “Fan, ta’lim va sog‘liqni saqlash” qo‘mitasi raisi, professor Bahrom Abdullayevga berildi. U o‘z nutqida simpoziumning yoshlar uchun muhim ahamiyati haqida to‘xtalib o‘tdi.

Simpozium ishtirokchilariga Oliy ta’lim, fan va innovatsiyalar vaziri Qo‘ng‘irotboy Sharipov ham o‘z tabrik va tilaklarini yo‘lladi.

Tadbirda simpozium tashkilotchilaridan biri — universitet rektori Maqsudjon Yuldashev ham so‘zga chiqib, universitetning 2030-yilgacha mo‘ljallangan rivojlantirish konsepsiyasi haqida ma’lumot berdi. Ushbu jarayonda talabalarning ijtimoiy faolligi benihoya muhim ekanini alohida ta’kidladi.

Shundan keyin Britaniya Kengashining O‘zbekistondagi vakolatxonasi direktori Maykl Houlgeyt (Michael Houlgate) ham ishtirokchilarni qutlab, barcha yoshlarga omad tiladi.

Xalqaro simpozium o‘z mazmun-mohiyati bilan yosh tadqiqotchilarning ilmiy salohiyatini yanada yuksaltirishga xizmat qilishi bilan ahamiyatlidir.

Boshqa rubrikalarda mashhur

Barcha Rubrikalar

Maktabgacha va maktab ta’limi tizimining ilmiy muammolari.

Maktabgacha va maktab ta’limi tizimining ilmiy muammolari pedagogik jarayonni takomillashtirish, ta’lim sifatini oshirish hamda zamonaviy ta’lim talablariga mos ilmiy yechimlarni ishlab chiqishga qaratilgan dolzarb masalalarni...

JDPUda pedagogik mahoratini oshirishga qaratilgan uzluksiz kasbiy rivojlanish o‘quv seminarlarining navbatdagi bosqichi yakunlandi.

Mashhur ekspert-trener, professor Ishmuhammedov Ravshan Jo‘rayevich ishtirokida o‘tkazilgan uch kunlik seminarlarda zamonaviy pedagogik texnologiyalar tinglovchilarga sodda va ta’sirchan usullarda yetkazildi.

JDPUda professor-o‘qituvchilar uchun TOP–300 OTMlar tajribasiga asoslangan o‘quv seminari davom etmoqda.

Jizzax davlat pedagogika universitetida professor-o‘qituvchilar uchun dunyoning TOP–300 oliy ta’lim muassasalari tajribasiga asoslangan o‘quv seminari o‘z ishini davom ettirmoqda.