Yurtboshimiz tomonidan mamlakatimizdagi oliy ta’lim muassasalari bitiruvchilarining ish bilan ta’minlanishi masalasiga ustuvor ahamiyat qaratilib, bu yo‘nalishda tizimli islohotlar amalga oshirilmoqda. 2025-yil 14-fevralda qabul qilingan PQ-61-sonli qaror va Oliy ta’lim muassasalarini mehnat bozori bilan uzviy bog‘lash bo‘yicha berilgan topshiriqlar bugungi kunda barcha mas’ul idoralar oldida dolzarb vazifa sifatida turibdi.
Shu bilan birga O‘zbekiston Respublikasi Prezidentining 2022-yil 10-martda tasdiqlangan PA-1-3416-sonli bayonnomasida belgilab berilgan topshiriqlar ijrosini ta’minlash maqsadida universitet talabalari bilan vakansiya, amaliyot yarmarkalari va uchrashuvlar tashkil yetish grafigi tasdiqlangan, shu grafik bo‘yicha bugun birinchi uchrashuv tashkil etildi.
Jizzax davlat pedagogika universiteti viloyatdagi eng yirik oliy ta’lim muassasasi sifatida har yili bitiruvchilarning mehnat bozoriga kirib borishini monitoring qilib, ularning bandligini ta’minlash uchun tegishli davlat va xususiy tashkilotlar bilan hamkorlikda ishlar olib bormoqda.
Universitetni 2024/2025 o‘quv yilida jami 5404 nafar talaba bitirishi kutilmoqda. Shundan: kunduzgi bo‘lim bakalavriat ta’lim yo‘nalishlari bo‘yicha 2561 nafar, magistratura mutaxassisliklari bo‘yicha 93 nafar.Tabiiy fanlar fakulteti bo‘yicha bitiruvchilar soni 320 nafarni tashkil etmoqda.Shundan: Biologiya ta’lim yo‘nalishi bo‘yicha 122 nafar,Kimyo ta’lim yo‘nalishi bo‘yicha 117 nafarni tashkil etadi.
Tadbirda Registrator ofisi menejerlari Jizzax viloyati Maktabgacha va maktab ta’limi boshqarmasi, professional ta’lim xodimlari, Davlat xizmatini rivojlantirish agentligi (ARGOS) Jizzax viloyat bo‘limi xodimlari, Tabiiy fanlar fakulteti kafedra mudirlari va bitiruvchi talabalar ishtirok etishdi.
