Bugungi kunda barcha sport turlariga e’tibor berilayotgani kabi basketbol sport turiga ham juda ko’plab imkoniyat va sharoitlar yaratilmoqda. Aynan Sport mahoratini oshirish (basketbol) fanidan amaliy ochiq dars ham bunga yaqqol misol bo’la oladi. Dars zamonaviy basketbol qoidalari va xorij tajribalariga asoslangan holda o’tildi. Qizlarni har taraflama sog’lom va  jismoniy qobilyatlarini yuzaga chiqarish uchun ham bu amaliy ochiq dars yaqqol misol bo’la oldi. Amaliy ochiq darsda interfaol metodlar orqali to’p bilan muamala qilish, to’pni qabul qilish, uzatish va eng asosiysi to’pni shchitga otish  texnikalariga alohida urg’u berildi. Ochiq dars mobaynida qizlar to’pni olib yurish texnikasini yanada mustahkamlab har hil aldamchi harakatlar bilan harakat qilishdi. Ayniqsa jarima maydonidan jarima to’plarini amalga oshirishdagi xato va kamchiliklari ustida ishlashdi. Dars juda ko’taringki va qiziqarli ro’hda o’tildi.