Jizzax davlat pedagogika universitetining O‘zbek tili va adabiyot yo‘nalishi 4-kurs talabalari uchun “Korrupsiyaga qarshi ta’lim va yoshlarning imkoniyatlarini kengaytirish global resursi (GRACE)” dasturi doirasida seminar-trening tashkil etildi.Tadbir davomida talabalarga korrupsiya tushunchasi, turlari, javobgarlik masalalari hamda akademik halollik tamoyillari haqida batafsil ma’lumotlar berildi.
Shuningdek, Prezidentimizning 2025-yil 5-martdagi tanqidiy-tahlil nutqi mazmuni tahlil qilinib, undagi halollik va mas’uliyat tamoyillari muhokama etildi. “Tarbiya” fani doirasida yoshlar ongida halollik, vijdonlilik, birovning haqiga xiyonat qilmaslik kabi ezgu qadriyatlarni shakllantirish zarurligi ta’kidlandi.
Talabalarga korrupsiyaga oid huquqbuzarlik haqida xabar bergan shaxslarni rag‘batlantirish tartibi haqidagi hukumat qarori haqida ham amaliy tushunchalar berildi.
Tadbir yoshlarning huquqiy ongi va fuqarolik mas’uliyatini oshirish, korrupsiyaga qarshi kurashda faol pozitsiyani shakllantirishga xizmat qildi.
