Universitetga Silk Road Research Academy asoschisi, Professor Azamat Akbarov tashrif buyurdi.

Professor Azamat Akbarov universitet rektori Sh.S.Sharipov bilan uchrashuv chog`ida tashrifidan ko`zlangan maqsadlarga to`xtalib o`tdi. Tashrifdan maqsad o`zaro hamkorlikni yo`lga qo`yish orqali kelgusida rivojlangan xorijiy davlatlarning eng ilgʻor tajribasini oʻrgangan hamda universitetning mutaxassislarga boʻlgan talabidan kelib chiqqan holda oʻquv rejalari, fan dasturlari, oʻquv adabiyotlari, shu jumladan oʻquv-metodik komplekslarni xalqaro standartlar asosida, zamonaviy, mutlaqo yangi talablar asosida ishlab chiqilishi va bosqichma-bosqich joriy etilishini tashkil qilishni oʻzaro hamkorlikda amalga oshirish kabi masalalar muhokama qilindi.

Tomonlar o‘zaro hamkorlikning kelgusidagi rejalarini muhokama qilishdi. O‘zaro muloqot jarayonida universitetning taʼlim yoʻnalishlarida zamonaviy axborot-kommunikatsion texnologiyalari asosida ilmiy-tadqiqot ishlarini hamkorlikda bajarish va qoʻllash, hamkorlikda konferensiya, forumlar, simpozium va seminarlar oʻtkazish, universitet oʻqituvchilarining markazda amaliy tadqiqotlar oʻtkazishiga sharoit yaratib   berish, professor-oʻqituvchilarning amalga oshiradigan ilmiy-tadqiqotlarini tijoratlashtirishda hamkorlik qilish, shu bilan birga, taklif va mulohazlarni o‘rganib har bir yo‘nalish bilan alohida hamkorlik tashkil etishga kelishib olindi.

Muhokmalardan so`ng universitet rektori Sh.S.Sharipov va professor Azamat Akbarov o`zaro hamkorlik shartnomasini imzolashdi.