“11-oktyabr – Xalqaro qizlar kuni” munosabati bilan tashkil etilgan forum ana shunday nomlandi.
Forumni Jizzax davlat pedagogika universiteti rektor maslahatchisi Z.Qosimova ochib berdi. Shundan so‘ng Jizzax viloyat hokimi o‘rinbosari, oila va xotin-qizlar boshqarmasi mutaxassisi Umida Murodova tadbirga yig‘ilgan barcha qizlarni muhim sana bilan tabriklab, bugungi kunda viloyatimizda xotin-qizlarga yaratilayotgan sharoitlar xususida so‘z yuritdi.
Tadbirning asosiy qismida so‘zga chiqqanlar ”Xotin-qizlarni qo‘llab-quvvatlashga doir davlat siyosatining ustuvor vazifalari”, “Kelajak ilmli qizlar qo‘lida”, Muvaffaqiyatga erishishda emotsional intellektning o‘rni mavzusida ma’ruzalar qilishdi.
Savol-javob taklif va mulohazalar bilan davom etgan forum Iqtidorli talaba-qizlar taqdimotlari, Interaktiv o‘yinlar hamda psixologik treninglar bilan yakun topdi.Faol qatnashchilar taqdirlandi.
