Ayni paytda Jizzax davlat pedagogika universitetida Innovatsion rivojlanish agentligi direktori Sharof Rahimberdiyevich Rajabbayev ishtirokida sayyor qabul o‘tkazilmoqda.

Sayyor qabulda hududdagi OTMlar professor-o‘qituvchilar, olimlar, tadqiqotchilar va talaba yoshlar ishtirok etishmoqda. Unda Innovatsion rivojlanish agentligi tomonidan yosh olimlarni yetakchi xorijiy ilmiy tashkilotlarga qisqa muddatli Ilmiy stajirovkaga yuborish, ilmiy loyihalarga grant ajratish va oliy ta’limdan keyingi ta’lim (doktorantura) masalalari yuzasidan hamda sohaga tegishli boshqa masalalarga doir murojaatlari o‘rganilmoqda.

Sayyor qabulda 50 nafardan ortiq olimlar, ilmiy tadqiqotchilar va tashabbuskor yoshlar ishtirok etib, o‘zlarini qiziqtirgan savollariga javob oldilar. Tadbir davomida kelib tushgan, ma’lum muddat talab qiladigan murojaatlar esa nazoratga olindi.