Jizzax davlat pedagogika universitetida professor-o‘qituvchilarning ma’naviy dunyoqarashini boyitish, jamoada sog‘lom ijtimoiy muhitni shakllantirish hamda ular uchun munosib shart-sharoitlar yaratish maqsadida muntazam ma’naviy-ma’rifiy sayohatlar tashkil etilmoqda.
Jumladan, haftaning dam olish kunlari ustozlar uchun Zominning so‘lim tabiati qo‘yniga sayohatlar uyushtirilayotgan bo‘lsa, haftaning to‘rt kuni davomida Imom al-Buxoriy majmuasi hamda Toshkent islom sivilizatsiyasi markaziga tashriflar amalga oshirilmoqda.

Ayni paytgacha mazkur ma’naviy-ma’rifiy sayohatlarda 550 nafardan ortiq professor-o‘qituvchilar ishtirok etib, ularning mazmunli hordiq chiqarishi va ma’naviy dunyoqarashini boyitishga alohida e’tibor qaratilmoqda.