Jizzax davlat pedagogika universitetida yoshlar muammolarini hal etish, yashash va ta’lim jarayonlarini yanada yaxshilash maqsadiga qaratilgan “Rektor va yoshlar uchrashuvi” bo‘lib o‘tdi. Unda O‘zbek tili va adabiyoti fakulteti talaba-yoshlar ishtirok etdi.
Tadbir avvalida universitet rektori Shavkat Sharipov oliy ta’lim maskanida talabalar uchun yaratilgan sharoitlar xususida so‘z yuritdi.
Uchrashuv davomida talabalarning fikr-mulohazalari, taklif va muammolari tinglandi. Ularni qiziqtirgan barcha savollariga batafsil javob qaytarildi. Jumladan, ta’lim sifatini oshirish, dars jarayonlarini innovatsion texnologiyalar yordamida takomillashtirish, sport va madaniy tadbirlarni ko‘paytirish kabi masalalar muhokama qilindi.O‘zbek tili va adabiyoti fakulteti talabasi Qoraqalpog‘istonlik Shaxzoda ismli talaba qiz qoraqalpoq tilida bitgan she’rlarini o‘qib berdi. Dutorchi qiz Zebo eng sevimli kuylarini chalib berdi. Shu bilan bir qatorda bir qator talabalar ingliz tili to‘garaklarini tashkil etish, 4+2 talabalar amaliyoti, maktab bitiruvchilarini oliy ta’limga tayyorlash kurslari borasida o‘z takliflarini bildirishdi. Ularning taklifini qo‘llab-quvvatlagan rektor mas’ullarga bu borada tegishli topshiriq berdi.
Ta’kidlash kerak, bugungi kunda mazkur fakultetda 50 ga yaqin professor-o‘qituvchilar 2 ta kafedra faoliyat ko‘rsatmoqda. Fakultetda hozirgi kunda 678 nafar bakalavr tahsil olmoqda.
