Matematika va informatika fakulteti Informatika va raqamli ta’lim texnologiyalari kafedrasida o‘quv jarayoniga o‘zaro hamkorlik aloqalari asosida 2024/2025 – o‘quv yili uchun, xorijiy oliy ta’lim va ilmiy-tadqiqot muassasalari professor-o‘qituvchilarini jalb etish borasida Muxtor Avezov nomidagi Janubiy Qozog‘iston universiteti “Informatika” kafedrasi bilan kelishuv shartnomasi imzolangan edi.
Kelishuvga ko‘ra matematika va informatika yo‘nalishi talabalari va Ta’limda axborot texnologiyalari yo‘nalishi magistrlari uchun 2024-2025- o‘quv yilining bahorgi semestrida offlayn va onlayn rejimida dars mashg‘ulotlari va seminar-treninglar o‘tkazish ko‘zda tutilgan.
Joriy yilning 28-29-mart kunlari Janubiy Qozog‘iston universiteti Informatika kafedrasi professor-o‘qituvchilari Jaydaqbayeva Lazzat Kuandikovna va Kemelbekova Janar Satiboldiyevnalar universitetimizga tashrif buyurdilar. Ular matematika va informatika yo‘nalishi talabalariga offlayn rejimda zamonaviy dasturlash tillari, ma’lumotlar bazasi va sun’iy intellekt sohalari bo‘yicha dars mashg‘ulotlari va seminar-treninglar o‘tkazishdilar.
Mehmonlar Universitetimizning kutubxonasi, ARM, “Qatag‘on davrlari muzeyi” larida va Navro‘z sayliga ham qatnashib bayramona taassurotlarga ega bo‘lishdi.
