Professor-o‘qituvchilar teatrga bordi. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
Professor-o‘qituvchilar teatrga bordi.

Yangiliklar

26/03/2025

Chop etish

Professor-o‘qituvchilar teatrga bordi.

Jizzax davlat pedagogika universitetida faoliyat olib borayotgan bir guruh professor-o‘qituvchilar shahrimizdagi Yu.Rajabiy nomidagi viloyat musiqali drama teatrida namoyish etilayotgan “Tanho Yulduz” spektaklini tomosha qilish uchun bordi.

Yunus Rajabiy nomidagi viloyat musiqali drama teatri o‘z repertuaridagi yana bir yangi asar bilan tomoshabinlarni o‘ziga rom etdi. Teatrda taniqli o‘zbek dramaturgi Nurulla Abbosxonning «Tanho yulduz» asari professor-o‘qituvchilar ixtiyoriga havola etildi.

Asarda turmush o‘rtog‘idan erta ayrilgan insonlarning ruhiy azobi, yolg‘izlik, mehru muhabbatga muhtojligi hikoya qilinadi. “ Qarisi bor, uyning parisi bor”, deb bejiz aytishmagan dono xalqimiz. Shu sababli ham o‘zbek millatida ota-onani ulug‘lashi butun dunyo xalqlarining havasini keltiradi.Shunga qaramay bu asarda bugungi kunda tez-tez uchrab turadigan noxush vaziyatlardan biri bo‘lmish ota-onani qadriga yetmay, ulardan vaqtida xabar olmay, xorlagan ayrim noqobil farzandlarning qilmishlari evaziga juda qiyin ahvolga tushib qolgan qariyalarning hayoti komedik janrda aks ettirilgan. Sahnalashtiruvchi rejissyor Qahramon Sa’dullayev asar g‘oyasini yaxshi tushungan holda, tomoshabinga yetkazib berishga muvaffaq bo‘lgan.

«Tanho yulduz»da xotini dunyodan o‘tganidan so‘ng, o‘g‘il-qizlarini uylantirib, o‘zi yolg‘iz qolgan, hayotda qiynalib, qanchalik iztirob chekmasin, hech kimga nolimaydigan Murod rolini O‘zbekistonda xizmat ko‘rsatgan san’atkor Jo‘ra Isroilov ijro etgan. Beva ayollar – Ra’no, Manzura va Jamila obrazlari teatrning mohir aktrisalari Jamila Dehqonova, Raisa Abdullayeva va Gulchehra Begimovalar tomonidan sahnaga olib chiqilgan.

Albatta asar muvaffaqiyatida rassom, musiqa rahbari, teatr direktoridan tortib, sahna ishchilarining ham hissasi bor. Bir so‘z bilan aytganda, bugungi ”Tanho Yulduzim” spektakli barchaga manzur bo‘ldi. Komedik janrda sahnalashtirilgan spektaklda xalqimizning Taniqli aktyor va aktrisalarning mohirona chiqishlari universitet xodimlariga xush kayfiyat va taassurot baxsh etdi.

Teatr namoyishidan so‘ng aktyorlar 27-mart Xalqaro teatr kuni munosabati bilan tashakkurnoma bilan taqdirlandilar

Boshqa rubrikalarda mashhur

Barcha Rubrikalar

JDPU rektori doktorantlar bilan uchrashib, ilmiy tadqiqotlar sifatini oshirish masalalarini muhokama qildi.

Jizzax davlat pedagogika universitetida ilmiy-tadqiqot faoliyatini yanada rivojlantirish, yosh olimlarning ilmiy salohiyatini oshirish hamda innovatsion g‘oyalarni qo‘llab-quvvatlash maqsadida universitet rektori Yuldashev Maqsudjon Abdullayevich tayanch doktorantlar...

Oliy pedagogik ta’lim tizimini transformatsiya qilish masalalariga bag‘ishlangan respublika seminari bo‘lib o‘tdi.

Oliy pedagogik ta’lim tizimini zamon talablariga mos ravishda isloh qilish, ta’lim sifati va samaradorligini oshirish, fan, ta’lim hamda ishlab chiqarish integratsiyasini kuchaytirishga qaratilgan respublika seminarini...

Maktabgacha va maktab ta’limi tizimining ilmiy muammolari.

Maktabgacha va maktab ta’limi tizimining ilmiy muammolari pedagogik jarayonni takomillashtirish, ta’lim sifatini oshirish hamda zamonaviy ta’lim talablariga mos ilmiy yechimlarni ishlab chiqishga qaratilgan dolzarb masalalarni...