Xabaringiz bor, universitetga Silk Road Research Academy asoschisi, Professor Azamat Akbarov tashrif buyurdi. Professor universitet rektori Sh.S.Sharipov bilan uchrashuvdan soʼng universitetning kafedra mudirlari, bo‘lim boshliqlari va yosh ilmiy xodimlari uchun “Ta’lim menejmenti va pedagogika sohasidagi zamonaviy yondashuvlar” mavzusida seminar trening o‘tkazdi. Seminar qiziqarli diskussiyalarga boy bo‘ldi.

Seminar davomida universitet bitiruvchilarini seleksiya qilish asosida ularni amaliyotga va ishga qabul qilish boʻyicha tizimli ishlarni yoʻlga qoʻyish, ilmiy maqolalar tayyorlash va ularni nashr qilish, Ta’lim xizmatlarini ko‘rsatishning zamonaviy modellari va amalga oshirish mexanizmlari, xorijiy tajribalar, til o`rganishdagi to`siqlar va muammolar, madaniyatlararo muloqot, madaniyatlararo xilma xillik to`grisida ma`lumotlar berib o`tdi. Seminar ishtirokchilari o`zlari qiziqtirgan savollarni berishdi va seminar juda qizg`in muhokamalarga boy o`tdi.