O‘zbekistonda yoshlar ishsizligiga barham berish ishlarini yangi bosqichga ko‘tarish rejalashtirilmoqda. Bu haqda prezident Shavkat Mirziyoyev 14-fevral kuni bo‘lib o‘tgan yig‘ilishda ta’kidlab etgan edi.Unga ko‘ra, mahallalarda 378 mingta mikroloyiha amalga oshiriladi, mahalla bankirlari yangi kredit mahsulotlari hisobiga 250 ming nafar odamni daromadli qiladi.
Yoshlarga yuqori maoshli ishga joylashish uchun kasblar va chet tillari o‘rgatiladi. Yig‘ilishda prezident «Aloqabank» 200 mln dollar hisobiga yoshlarning biznes loyihalarini qo‘llab-quvvatlovchi «yoshlar banki»ga aylantirilishini aytib o‘tgan edi. Bank ayrim yosh tadbirkorlarga 7-yil muddatga 5 mlrd so‘mgacha imtiyozli kredit ajratadi. Milliy bangga esa oliygoh bitiruvchilari bandligini ta’minlash uchun 100 mln dollar resurs beriladi.
Bugungi bitiruvchi talabalar ishtirokida bo‘lib o‘tgan ochiq muloqotda davlat rahbarining “Oliy ta’lim tashkilotlari bitiruvchilarining ishga joylashishiga ko‘maklashish bo‘yicha qo‘shimcha chora-tadbirlar to‘g‘risida” gi qarorning mazmun-mohiyati, yoshlar siyosati sohasida amalga oshirilayotgan islohotlar,”O‘zмilliybank” AJ tomonidan “Kelajakka qadam” dasturi, o‘z biznes g‘oyalarini amalga oshirish istagi bo‘lgan bitiruvchi bosqich talabalari uchun “O‘zmilliybank” AJ tomonidan biznes g‘oyani tayyor loyihagacha olib borish jarayonida to‘liq hamrohlik qilish, shu jumladan qulay shartlarda moliyalashtirish haqida ma’lumot berishdi. Bank vakillari yoshlarning takliflarini tinglab, ularning tashabbuslarini qo‘llab-quvvatlashga doim tayyor ekanligini bildirishdi.
