Tarix fanlari doktori, professor Faniya Avzalovna Axmedshina 2007-yilda “Xalq ta’limi a’lochisi”,2021-yilda” “O‘zbekiston Respublikasi mustaqilligining 30-yilligi”, 2022-yilda“O‘zbekiston Respublikasi Konstitutsiyasining 30 yilligi” munosabati bilan ko‘krak nishonlari,2023-yilda “Mehnat Shuhrati” ordeni bilan taqdirlandi.
Hayotiy tamoyili: «O‘zingga ravo qilmagan narsalarni boshqalarga ham ravo ko‘rma.»» Odamgarchilikka intilish insonni barcha yomonliklardan qaytaradi.»
JDPU haqida: 30 ga yaqin ustozlar va 400 dan ziyod talabalar bilan o‘z faoliyatini boshlagan Jizzax davlat pedagogika universiteti o‘zining 50-yillik yubileyini 800 dan ziyod ustozlar va 20000 ga yaqin talabalar bilan nishonlash sharafiga ega bo‘ldi.
Universitetning hozirgi professor-o‘qituvchilarining asosiy qismini o‘zi tayyorlagan iqtidorli kadrlari tashkil qilishi, ular orasida kafedra mudirlari, dekanlar, prorektorlar va rektorning o‘zi bo‘lishi faxrlanarli natijadir. Yaqindagina universitetning 50 yoshini nishonlashga dunyoning 22 davlatidan 100 dan ortiq olimlarning kelishi ulkan hodisadir.
Universitetimizning oliy pedagogik ta’lim tizimining YANGI VA DOLZARB talablariga javob beroladigan ijodkor kadrlar yetishtirish yo‘nalishidagi faoliyati o‘z mutaxassislik sohalari bo‘yicha milliy va xorijiy tajribaga asoslangan yuqori malakali kadrlar tayyorlashning uzluksiz tizimini tashkil etish va uni uzluksiz takomillashtirib borishga, ta’lim sifatini oshirishga, jamiyatning sifatli ta’limga bo‘lgan ehtiyojini qondirishga olib keladi.
