O‘zbek tili bayrami – ona tilimizga muhabbat va e’tibor ifodasidir. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
O‘zbek tili bayrami – ona tilimizga muhabbat va e’tibor ifodasidir.

Yangiliklar

20/10/2025

Chop etish

O‘zbek tili bayrami – ona tilimizga muhabbat va e’tibor ifodasidir.

O‘zbek tiliga davlat tili maqomi berilganining 36-yilligi hamda 21-oktyabr — O‘zbek tili bayrami kunini keng nishonlash bo‘yicha belgilangan chora-tadbirlar doirasida bugun Jizzax viloyatida qator ma’naviy tadbirlar o‘tkazildi.

Shu munosabat bilan Zafarobod tumanidagi Alisher Navoiy haykali poyiga, Zomin tumani 16-maktab hovlisidagi Alisher Navoiy byusti poyiga, shuningdek shahar va tumanlar markazlaridagi o‘zbek adabiyotining atoqli namoyandalariga bag‘ishlangan yodgorlik majmualariga gul qo‘yish marosimlari tashkil etildi.

Tantanali marosimlarda Viloyat hokimining maslahatchisi B. Mavlyanov, Jizzax davlat pedagogika universiteti Yoshlar masalalari va ma’naviy-ma’rifiy ishlar bo‘yicha birinchi prorektori F. Akchayev hamda bir qator tashkilot rahbarlari, ustoz-murabbiylar, talabalar va o‘quvchilar ishtirok etdilar.

Marosimda so‘zga chiqqanlar o‘zbek tilining tarixiy ahamiyati, uning milliy o‘zligimizni ifoda etuvchi muqaddas timsol ekani haqida fikr bildirdilar. Ular ona tilimizning boy so‘z qo‘llanmasi, badiiy ifodasi va xalq qalbidagi o‘rnini alohida ta’kidladilar.

Tadbir yakunida talabalar ona tiliga bag‘ishlab she’rlar o‘qishdi, sahnaviy chiqishlar namoyish etildi. Bu tadbirlar — ona tilimizga bo‘lgan muhabbat, hurmat va milliy g‘ururning yorqin ifodasi bo‘ldi desak xato qilmagan bo‘lamiz.

Boshqa rubrikalarda mashhur

Barcha Rubrikalar

Maktabgacha va maktab ta’limi tizimining ilmiy muammolari.

Maktabgacha va maktab ta’limi tizimining ilmiy muammolari pedagogik jarayonni takomillashtirish, ta’lim sifatini oshirish hamda zamonaviy ta’lim talablariga mos ilmiy yechimlarni ishlab chiqishga qaratilgan dolzarb masalalarni...

JDPUda pedagogik mahoratini oshirishga qaratilgan uzluksiz kasbiy rivojlanish o‘quv seminarlarining navbatdagi bosqichi yakunlandi.

Mashhur ekspert-trener, professor Ishmuhammedov Ravshan Jo‘rayevich ishtirokida o‘tkazilgan uch kunlik seminarlarda zamonaviy pedagogik texnologiyalar tinglovchilarga sodda va ta’sirchan usullarda yetkazildi.

JDPUda professor-o‘qituvchilar uchun TOP–300 OTMlar tajribasiga asoslangan o‘quv seminari davom etmoqda.

Jizzax davlat pedagogika universitetida professor-o‘qituvchilar uchun dunyoning TOP–300 oliy ta’lim muassasalari tajribasiga asoslangan o‘quv seminari o‘z ishini davom ettirmoqda.