Atoqli adib, adabiyotimizning haqli ravishda iftixori Abdulla Qodiriy tavalludiga 12 9yil to‘ldi. Shu munosabat bilan Jizzax davlat pedagogika universitetida “Abdulla Qodiriy-ma’naviyat ziyosi” mavzusida  tadbir o‘tkazildi.

Adib tavallud sanasi munosabati bilan  tashkillashtirilgan tadbirda so‘zga chiqqanlar Vatan ravnaqi, ozodligini qo‘msab, unga erisha olmay yosh jonini fido qilgan ulug‘ adibning xayoti va ijodi, adabiy merosi haqida qiziqarli ma’lumotlar berishdi. Ta’kidlash joiz bugun adibning o‘z davrida kam nusxalarda chop etilgan kitoblari  o‘n, yuz minglab nusxada nashr etilyapti.

Yozuvchi tanqidiy-publitsistik maqolalari, hajviyalarida odamlarning yangiliklarni qabul qilishdagi norasoliklarni fosh etgandek bo‘ladi. Toshpo‘lat tajang, Kalvak maxzum kabi tipik qahramonlarning, go‘yo yangi jamiyat bilan hamqadam bo‘la olmayotgani kulgi ostiga olinadi, ular tilidan sho‘ro tuzumi yangiliklariga aytilayotgan tanqidiy fikrlar ham kulgili, demak, ular rad etilishi lozimdek, biroq yozuvchi shu rad etilishi lozimdek fikrlarni salbiy qahramon tilidan ayttirib, ularga o‘zining g‘oya va xalqning dardini, alamlarini singdiradi.

Tadbirda Abdulla Qodiriyning o’zbek adabiyotiga qo’shgan hissasi yoritib berildi. Asarlari asosida tayyorlangan spektakl tomoshalari qo’yildi. She’rlari ifodali o’qildi. Tadbir juda ham ko’tarinki ruhda o’tkazildi. Tadbirga kelgan barcha tomoshabinlar adibning boy meriosidan bahramand bo‘lish bilan bir qatorda ma’naviy zavq ham olishdi.