Bugun JDPU da kasbiy( ijodiy) imtihonlarning 6 kuni. Ta’kidlash joiz shu kungacha universitetda kasbiy (ijodiy) imtihonlarni adolatli va shaffof o‘tkazish uchun barcha shart-sharoitlar yaratilgan. Abituriyentlar topshirayotgan kasbiy(ijodiy) imtihonlarni ularning ota –onalari maxsus kutish xonalarida va o‘z uylarida onlayn kuzatib borish imkoniyatiga ega bo‘lishmoqda. Kasbiy (ijodiy) imtihon natijalari shu kunning o‘zida universiteting rasmiy sahifalari orqali e’lon qilib borilmoqda. imtihon komissiyasi xulosasidan norozi bo‘lgan abituriyentlarga imtihon natijalari e’lon qilingan vaqtdan boshlab 24 soat ichida universitetning apellyatsiya komissiyasiga ariza bilan murojaat qilish imkoniyati berilgan. Shu kunga qadar apellyatsiya komissiyasiga kelib tushgan arizalar soni 10 tani tashkil qildi va ular appelyatsiya komissiyasi a’zolari tomonidan tegishli tartibda ko‘rib chiqildi. Bugun ham sport faoliyati turi (kurash) yo‘nalishi bo‘yicha o‘z ballaridan norozi bo‘lgan 1 nafar abituriyentning murojaatini mutaxassislar yordamida ko‘rib chiqildi.
– Sport faoliyat turi (Kurash) yo‘nalishi bo‘yicha hujjat topshirgan abituriyentlardan 1 nafari ijodiy imtihonlar natijalaridan norozi bo‘lib ariza bilan murojaat qilgan abituriyentning ijodiy ishlarini o‘zi ishtirokida nizom talablari asosida, ekspertlar tomonidan xolisona o‘rganildi. apellyatsiya murojaatiga asosan ekspertlar tomonidan qaydnomalar va videokuzatuv kameralari ko‘zdan kechirilganda dasturdagi Oyoqlar yordamida bajariladigan usullarga Chil usulida o‘ng tomon va chap tomonga 2 ball, Spurma usuli o‘ng tomon va chap tomonga 1 ball, ekspertlar tomonidan abituriyentga jami 3 ball qo‘shib ballari asosli ekanligi tushuntirildi. Abituriyent qo‘yilgan ballaridan e’tirozi yo‘qligini bildirdi,-deydi appelyatsiya komissiyasi raisi Diyor Tursunov
