Jizzax davlat pedagogika universiteti Axborot-resurs markazida Rus tili va adabiyoti fakulteti 1-bosqich talabalari ishtirokida “Vatan ravnaqi, tinchligi va himoyasi yo‘lida ko‘rsatilgan qahramonlik unutilmaydi” hamda “Nomingiz dillarda mangu yashaydi” shiorlari ostida “Uch avlod uchrashuvi” bo‘lib o‘tdi.
Tadbir 9-may –» Xotira va qadrlash kuni» munosabati bilan tashkil etildi. Uchrashuv Markaziy harbiy okrug, Jizzax garnizoni harbiy xizmatchilari, viloyat harbiy prokuraturasi, Ichki ishlar boshqarmasi, DXX Chegara qo‘shinlari faxriylari, “Nuroniy” jamg‘armasi, Yozuvchilar uyushmasi, Mudofaa ishlari boshqarmasi, O‘zbekiston yoshlar ittifoqi Jizzax viloyat kengashi hamda jamoatchilik kengashi vakillari hamkorligida o‘tkazildi.
Faxriylar tomonidan yoshlarga murojaatlar, tarixiy xotiralar va vatanparvarlik ruhidagi suhbatlar tashkil etildi. Jizzax garnizoni harbiy orkestrining kuy-qo‘shiqlari esa yig‘ilganlarga baland ruh va unutilmas taassurot ulashdi.
Shuningdek, tadbir doirasida Qatag‘on qurbonlari xotirasi muzeyiga tashrif uyushtirilib, muzey mutaxassislari tomonidan qatag‘on qurbonlari bo‘lgan o‘zbek ziyolilari haqida qimmatli ma’lumotlar berildi.
