Navoiyni yod etib…

Jismoniy madaniyat fakultetida bo‘lib o‘tgan tadbir ana shunday nomlandi. Buyuk shoir va mutafakkir alloma Alisher Navoiyning bebaho ilmiy merosi nafaqat xalqimiz, balki jahon adabiyoti tarixi rivojida alohida o‘rin tutadi. Alloma o‘zining asarlarida yuksak umuminsoniy g‘oyalarni, ona tilimizning beqiyos so‘z boyligi va cheksiz ifoda imkoniyatlarini butun jozibasi va latofati bilan namoyon etib, yer yuzidagi millionlab kitobxonlar qalbidan munosib va mustahkam o‘rin egalladi. Shu kunlarda Alisher Navoiy tavalludining 582yilligi munosabati bilan joylarda Navoiy ijodini yanada keng o‘rganish va targ‘ib qilish maqsadida adabiy-badiiy anjumanlar, ilmiy-amaliy konferensiyalar va navoiyxonlik kechalari o‘tkazilmoqda. Jismoniy madaniyat fakulteti talabalari tomonidan tashkil etilgan “Navoiyni yod etib”  ma’naviy-ma’rifiy kechasi ham ana shular jumlasidandir.   Mazkur tadbir ikki qismda bo‘lib o‘tdi. Dastlab  fakultet professor-o‘qituvchilar ishtirokida  “Navoiy ijodini anglab” mavzusidagi ilmiy-ma’rifiy  davra suhbati tashkil etilgan bo‘lsa, tadbirning ikkinchi qismida talabalar tomonidan  sahnalashtirilgna badiiy kompozitsiya tomoshabinlar ixtiyoriga havola etildi.