JDPUda Forish tumanidagi “Rusteks Invest Products” masʼuliyati cheklangan jamiyati maslahatchisi “Shuhrat” medali sohibi Turg‘un Ko‘chkunov bilan talaba yoshlar o‘rtasida samimiy muloqot tashkil etildi.

Tadbirkor Turg‘un Ko‘chkinovni nafaqat Jizzaxda, balki butun respublikada juda yaxshi tanishadi. Oddiy toshdan ip chiqarish g‘oyasi bilan tanilgan, kezi kelganda viloyatda maktab yaratgan tadbirkor bugungi uchrashuvda o‘z mehnati, irodasi bilan erishgan yutuqlari bilan bo‘lishdi, tajribalari bilan o‘rtoqlashdi. Talaba yoshlarga motivatsiya berish ularni tadbirkorlikka bo‘lgan qiziqishlarini oshirish  maqsadida tashkil etilgan uchrashuv samimiy va ochiq muloqot tarzda bo‘lib o‘tdi.

 Yoshlarning tadbirkorlikka oid savollariga kecha qahramoni tomonidan  javob berish bilan bir qatorda  talaba bo‘lishiga qaramay allaqachon o‘z biznesini yo‘lga qo‘yishga ulgurgan yosh tadbirkorlarga zarur va o‘rinli maslahatlar ham berildi.

Albatta, bunday uchrashuvlar tag zamirida ezgu maqsadlar mujassam. Bir maqsadki, sevimli kasbidan tashqari tashabbuskorligi va izlanuvchanligi ortidan kichik bir qiziqishi sabab daromad topishni yo‘lga qo‘ygan, elga va yaqinlariga nafi tegadigan yoshlarimiz safi kengaysin.