Jizzax davlat pedagogika universitetida talaba yoshlar ishtirokida «Milliy an’ana va qadriyatlar-o‘zbek xalqining ajralmas fazilatidir!» mavzusida festival o‘tkazildi.
Tadbirni o‘tkazishdan ko‘zlangan asosiy maqsad – milliy va an’anaviy qadriyatlarni e’zozlash, yoshlar o‘rtasida o‘zaro hamjihatlikni mustahkamlash, ular ongida jamiyatimizda tinchlik, millatlararo totuvlik va barqarorlikni mustahkamlashga bebaho hissa qo‘shayotgan, sog‘lom va barkamol yosh avlodni tarbiyalashda faol ishtirok etayotgan insonlarga hurmat va ehtirom ko‘rsatish, shu bilan birga, xalqimizga xos bo‘lgan ezgu fazilatlarni yanada yuksaltirish, ajdodlarimizdan meros bo‘lib kelayotgan milliy-ma’naviy boyligimizni ko‘z qorachig‘iday asrab avaylash va yanada qadrlashdan iborat.
Tadbir doirasida milliy qadriyatlarimizni aks ettirgan ko‘rgazmalar, folklor jamoalarining dasturlari hamda milliy liboslar sayli tashkil etildi.
Tadbirga tashrif buyurgan yosh iste’dodli talabalarning badiiy chiqishlarida Vatan, mehr-muhabbat, olamdagi bor ezgu tuyg‘ular tarannumi avj oldi. Ishtirokchilarning o‘yin-kulgilari esa festival dasturining zavqu shavqini, go‘zalligini yana bir chandon oshirdi.
O‘ziga xos bag‘rikenglik, umumbashariy qadriyatlarga sadoqat, millatidan, dinidan, irqidan qat’iy nazar, millatlararo munosabatlarni mustahkamlash maqsadida tashkil etilgan mazkur tadbirda Besh tashabbus musobaqalarida faol ishtirok etgan sportchi talabalarning chiqishlari o‘zgacha bo`ldi.
