“Mehr ulashamiz” xayriya aksiyasi doirasida yig‘ilgan zarur buyumlar o‘z egalariga topshirildi. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
“Mehr ulashamiz” xayriya aksiyasi doirasida yig‘ilgan zarur buyumlar o‘z egalariga topshirildi.

Yangiliklar

03/12/2025

Chop etish

“Mehr ulashamiz” xayriya aksiyasi doirasida yig‘ilgan zarur buyumlar o‘z egalariga topshirildi.

Jizzax davlat pedagogika universiteti Axborot xizmati hamda Pedagogika-psixologiya va inklyuziv ta’lim fakultetining “Maxsus pedagogika” kafedrasi tashabbusi bilan tashkil etilgan “Mehr ulashamiz” xayriya aksiyasi o‘z nihoyasiga yetdi.

Qariyb ikki oy davom etgan ushbu aksiya doirasida imkoniyati cheklangan va inklyuziv ta’limga jalb etilgan boshlang‘ich sinf o‘quvchilari uchun issiq kiyimlar va turli zaruriy buyumlar yig‘ildi.

3-dekabr – Xalqaro nogironlar kuni munosabati bilan aksiya tashkilotchilari Jizzax shahridagi 36-maktabning inklyuziv sinfi hamda 5-sonli ixtisoslashtirilgan maxsus maktabgacha ta’lim tashkilotiga tashrif buyurib, yig‘ilgan issiq kiyimlar va zarur buyumlarni bolajonlarga topshirishdi.

Zarur buyumlar va issiq kiyimlarni topshirish jarayoni iliq va hayajonli ruhda kechdi. Minnatdorchilik sifatida bolalar tomonidan badiiy chiqishlar namoyish etildi.

“Mehr ulashamiz” xayriya aksiyasida faol ishtirok etgan, muhtoj bolajonlar uchun nafaqat issiq libos, balki mehr, e’tibor va ezgulik ulashgan barcha hamkasblarimizga chuqur minnatdorchilik bildiramiz.

Boshqa rubrikalarda mashhur

Barcha Rubrikalar

Maktabgacha va maktab ta’limi tizimining ilmiy muammolari.

Maktabgacha va maktab ta’limi tizimining ilmiy muammolari pedagogik jarayonni takomillashtirish, ta’lim sifatini oshirish hamda zamonaviy ta’lim talablariga mos ilmiy yechimlarni ishlab chiqishga qaratilgan dolzarb masalalarni...

JDPUda pedagogik mahoratini oshirishga qaratilgan uzluksiz kasbiy rivojlanish o‘quv seminarlarining navbatdagi bosqichi yakunlandi.

Mashhur ekspert-trener, professor Ishmuhammedov Ravshan Jo‘rayevich ishtirokida o‘tkazilgan uch kunlik seminarlarda zamonaviy pedagogik texnologiyalar tinglovchilarga sodda va ta’sirchan usullarda yetkazildi.

JDPUda professor-o‘qituvchilar uchun TOP–300 OTMlar tajribasiga asoslangan o‘quv seminari davom etmoqda.

Jizzax davlat pedagogika universitetida professor-o‘qituvchilar uchun dunyoning TOP–300 oliy ta’lim muassasalari tajribasiga asoslangan o‘quv seminari o‘z ishini davom ettirmoqda.