JDPU Korrupsiyaga qarshi kurashish “Komplaens nazorat” tizimini boshqarish bo‘limi xodimlari tomonidan Jizzax shahridagi 6-sonli umumiy o‘rta ta’lim maktabi 11-sinf o‘quvchilari bilan “Korrupsiyasiz ta’lim” mavzusida uchrashuv tashkil etildi.

Uchrashuvda o‘quvchilarga korrupsiyaning mazmuni, turlari va salbiy oqibatlari, xususan, ta’lim sifatiga ta’siri haqida batafsil tushuntirish berildi. Shuningdek, halol va shaffof ta’lim muhitining ahamiyati, bilim olishga bo‘lgan qiziqish va intellektual salohiyatni oshirishdagi o‘rni alohida ta’kidlandi.

Tadbir davomida murojaat yo‘llash tartibi, yolg‘on va tuhmatdan tiyilish, huquqbuzarliklar uchun javobgarlik muqarrarligi hamda korrupsiya holatlari haqida xabar bergan shaxslarni rag‘batlantirish tartibi yuzasidan tushunchalar berildi. Shuningdek, o‘quvchilar o‘rtasida ijtimoiy so‘rovnoma o‘tkazildi.