Universitet axborot-resurs markazi, Yoshlar masalalari va ma’naviy-ma’rifiy ishlar bo‘limi hamda Yoshlar ittifoqi boshlang‘ich tashkiloti hamkorligida “Milliy tarix va qadriyatlar” loyihasi doirasida tashkil etilgan “Kitob-millatning bebaho madaniy merosi” nomli adabiyotlar ko‘rgazmasini Yoshlar masalalari va ma’naviy-ma’rifiy ishlar bo‘yicha birinchi prorektor S.Nazarqosimov ochib berdi.
Ushbu ijtimoiy, ma’naviy-ma’rifiy tadbirda milliy qadriyatlaimiz, kitob mutolaa qilish odobi, yoshlarda kitobxonlik madaniyatini shakllantirishda kutubxona va axborot-kutubxona muassasalarining ahamiyati kabi dolzarb mavzular muhokama qilindi.
Tadbirda shuningdek, “Kitobsevar millat” umummilliy g‘oyasi ostida Oliy ta’lim, fan va innovatsiyalar vazirligi tomonidan tavsiya qilingan 100 ta eng sara adabiyotlar taqdimoti o‘tkazildi.
Tadbirga Musiqiy ta’lim yo‘nalishi talabalari tomonidan tayyorlangan dastur yakun yasadi.
