Jizzax davlat pedagogika universiteti Talabalar yotoqxonasida bo‘lib o‘tgan tadbir ana shunday nomlandi
17 noyabr Xalqaro talabalar kuni munosabati bilan o‘tkazilgan tadbirda O‘zbekiston Milliy universiteti dotsenti To‘lqin Eshbek mehmon bo‘ldi.
Talabalar yotoqxonasida bo‘lib o‘tgan ijodiy uchrashuv talabalar uchun ma’naviyat sarchashmasi, ularning tafakkurini boyituvchi, ruhiyatiga ozuqa beruvchi, yuksak saviyada o‘tkazilgan tadbir desak xato qilmagan bo‘lamiz. Universitetning Pedagogika va psixologiya fakulteti tomonidan tashkillashtirilgan Kitobxonlik, kitob qadri mavzusida bo‘lib o‘tgan davra suhbati eng yaxshi kitobxonlari va bilimdonlarini kashf etdi. Ona tabiatni oftob isitsa, inson qalbini kitob ilitadi.
Prezidentimiz tomonidan ilgari surilgan 5 ta muhim tashabbusning to‘rtinchisi yoshlar ma’naviyatini yuksaltirish, ular o‘rtasida kitobxonlikni keng targ‘ib qilish bo‘yicha tizimli ishlarni tashkil etishdan iborat. Talabalar bilan bo‘lib o‘tgan ijodiy uchrashuv davomida To‘lqin Eshbek yoshlar o‘rtasida kitobxonlik madaniyatini ommalashtirish, ularning badiiy savodxonligini yanada oshirish va mutolaa muhitini shakllantirishda mana shunday uchrashuv va davra suhbatlarining o‘rni beqiyos ekanligini ta’kidlab o‘tdi. “Kitob-aql chirog‘i, tafakkur qanotidir” shiori ostida bo‘lib o‘tgan davra suhbati yakunida talaba yoshlar mashhur yozuvchi va shoirlarning asarlaridan parchalar o‘qib berishdi. Eng faol talaba yoshlarga To‘lqin Eshbek qalamiga mansub asarlar taqdim etildi.
