Jizzax shahridagi Yoshlar shaharchasida yoshlarning bandligini ta’minlash, ularni zamonaviy kasblarga yo‘naltirish hamda tadbirkorlik tashabbuslarini qo‘llab-quvvatlashga qaratilgan “Kelajak tadbirkori – 2026” kasb, bandlik va tadbirkorlik imkoniyatlari yarmarkasi boshlandi.

Tadbirda viloyatdagi oliy ta’lim muassasalari qatorida Jizzax davlat pedagogika universiteti jamoasi ham o‘z ko‘rgazma va loyihalari bilan ishtirok etmoqda.

Yarmarka doirasida bo‘sh ish o‘rinlari va amaliyotlar, kasbga yo‘naltirish, tadbirkorlik va moliyaviy imkoniyatlar, shuningdek, amaliy seminarlar hamda uchrashuvlar tashkil etilmoqda.

Tadbir O‘zbekiston Respublikasi Markaziy banki, O‘zbekiston Milliy banki, Oliy ta’lim, fan va innovatsiyalar vazirligi, Jizzax viloyati hokimligi, Yoshlar ishlari agentligi, Savdo-sanoat palatasi hamda Kambag‘allikni qisqartirish va bandlik vazirligi hamkorligida tashkil etilgan.