JDPU Biologiya va uni o‘qitish metodikasi kafedrasi O‘zRFA Botanika instituti bilan hamkorlikda “Kamyob o‘simlik turlarini tadqiq etishning zamonaviy usullari” mavzusida ilmiy-o‘quv seminar o‘tkazildi.
Seminarda kafedraning professor-o‘qituvchilari, tayanch doktorantlari, mustaqil tadqiqotchilari, 1-2-bosqich magistrlar, 2-3-bosqich bakalavr talablari va JDPU qoshidagi Sayiljoy akademik litsey, Mirzacho‘l agrosanoat texnikumi talabalari ishtirok etdilar. Seminarni universitetning Ilmiy ishlar va innovatsiyalar bo‘yicha prorektor, dos. G‘.Qodirov ochib berdi.
O‘zRFA Botanika institutining akademik K.Sh. Tojibaev o‘z ma’ruzasida hozirgi kundagi botanika fanining yutuqlari, muammolar va ularning yechimlari, OTMdagi bakalavriat va magistratura talabalarining BMI va MDI, (PhD), (DcS) dissertatsiyalari, zamonaviy biologik metodlar qo‘llash borasida so‘z yuritdi. Shuningdek seminar davomida dos. O.Turginov, kichik ilmiy xodimlardan F.Akbarov, S. Po‘latov, I.Jo‘ramirodov, D. Maxmudjanovlar ham aynan shu mavzularda ma’ruza qilishdi.Mavzu doirasida fikr mulohazalar bildirildi. Takliflar tinglandi.
Bahs, munozaralar asosida o‘tgan seminar Biologiya va uni o‘qitish metodikasi kafedrasining 1-2-bosqich magistrlari, tayanch doktorantlar, mustaqil tadqiqotchilar ishtirokidagi uchrashuv bilan yakunlandi.
