Jizzax shahrida yoshlar hayotida muhim ahamiyat kasb etuvchi “Besh tashabbus” yoshlar festivali keng qamrovda va ko‘tarinki ruhda o‘tdi.

Oqshom payti shahar ahli musiqa va chorlov sadolari ostida Yoshlar shaharchasiga yig‘ildi. Maydonda sport, musiqa va innovatsiya uyg‘unlashgan haqiqiy bayramona muhit hukm surdi. Yoshlarning ijodiy ishlanmalari, startaplari, innovatsion g‘oyalari hamda rassomlar ijodi namoyish etilgan ko‘rgazmalar festivalga kelgan barcha ishtirokchilarda katta qiziqish uyg‘otdi.

Festival yoshlar uchun: yangi g‘oyalar bilan tanishish,o‘z qobiliyat va iqtidorini namoyish etish, bir-biridan o‘rnak olish va ijodiy muhitda rivojlanish imkoniyatini berdi. Tadbirda Jizzax davlat pedagogika universiteti talaba-yoshlari ham faol ishtirok etdilar. Universitet ramzi aks etgan bayroqlarni baland ko‘targan talabalar festivalga tantanavor ruh bag‘ishladilar. Ularning sport, musiqa va innovatsion yo‘nalishlardagi chiqishlari tomoshabinlar qalbidan chuqur o‘rin oldi.

Bu kabi festivallar yoshlarning yangi imkoniyatlarga ishonchini mustahkamlaydi, Vatanga sadoqat va faxr tuyg‘ularini kuchaytiradi, ijtimoiy faolligini oshiradi.

Jizzax davlat pedagogika universiteti talabalarining bunday yirik festivallardagi ishtiroki ularning ijodkorligi, tashabbuskorligi va faol fuqarolik pozitsiyasidan dalolatdir.