Jizzax shahridagi 22 ta umumta’lim maktabi hamda «Best School» xususiy maktabida Umummilliy ish beruvchilar so‘rovnomasini o‘tkazish jarayoni tashkil etildi.

Ushbu jarayon doirasida O‘zbekiston Respublikasi Prezidenti Administratsiyasi huzuridagi Ta’lim sifatini ta’minlash milliy agentligi mas’ul xodimlari, shuningdek, Jizzax viloyatidagi oliy ta’lim tashkilotlarining mas’ul rahbar va xodimlari ishtirok etdi.

So‘rovnoma davomida ish beruvchilarning bitiruvchilar bilimi, kasbiy va amaliy ko‘nikmalari hamda kompetensiyalariga bergan bahosi o‘rganildi. Shuningdek, kadrlar tayyorlash sifatini yanada oshirish va ta’lim jarayonini mehnat bozori talablariga muvofiqlashtirish bo‘yicha fikr va takliflar bildirildi. Umummilliy ish beruvchilar so‘rovnomasi 15-avgustga qadar davom etadi. So‘rovnoma natijalari ta’lim sifatini takomillashtirish, bitiruvchilarning mehnat bozoridagi raqobatbardoshligini oshirish hamda ish beruvchilar ehtiyojlariga mos kadrlar tayyorlashda muhim manba bo‘lib xizmat qiladi.
Hurmatli ish beruvchilar! So‘rovnomada faol ishtirok etib, xolis fikringizni bildiring. Sizning fikringiz — sifatli ta’lim va raqobatbardosh kadrlar garovi!