Jizzaxda test sinovlari boshlandi: Olimpiya va Paraolimpiya markazi abituriyentlar va ota-onalar bilan gavjum. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
Jizzaxda test sinovlari boshlandi: Olimpiya va Paraolimpiya markazi abituriyentlar va ota-onalar bilan gavjum.

Yangiliklar

14/07/2025

Chop etish

Jizzaxda test sinovlari boshlandi: Olimpiya va Paraolimpiya markazi abituriyentlar va ota-onalar bilan gavjum.

Joriy yilning 14-iyul kuni Jizzax Olimpiya va Paraolimpiya sport turlariga tayyorlash markazi hududida abituriyentlar uchun test sinovlari boshlandi. Erta tongdan boshlab markaz hududi sinovga kelgan yoshlar va ularning ota-onalari bilan gavjum bo‘ldi.

Imtihonlarga kechikmasdan yetib kelish uchun soat 7:00 gacha abituriyentlar markazda to‘plandi. Soat 7:30 ga kelib, barcha ishtirokchilar test sinovlari o‘tkaziladigan binolarga kirib o‘tirishdi. Ota-onalar esa ular uchun maxsus tashkil etilgan kutish joylariga joylashtirildi.

Abituriyentlarning sinov jarayonini monitor va mobil qurilmalar orqali kuzatib turgan ota-onalarning hayajonini yumshatish, ruhiy qo‘llab-quvvatlash maqsadida Jizzax davlat pedagogika universiteti Maktabgacha ta’lim fakultetining badiiy jamoasi tomonidan musiqiy dastur tashkil etildi. Chiqishlar ota-onalarda iliq taassurot qoldirdi va ularning kayfiyatini ko‘tardi.

Ushbu jarayonni samarali va tizimli tashkil etish maqsadida Jizzax davlat pedagogika universiteti Boshlang‘ich ta’lim fakulteti professor-o‘qituvchilari va tyutorlari tomonidan kun davomida navbatchilik ishlari yo‘lga qo‘yildi. Ular tomonidan abituriyentlarga yo‘nalish berish, psixologik qo‘llab-quvvatlash va tashkiliy yordam ko‘rsatilib kelinmoqda.

Test sinovlari yuksak saviyada, shaffof va oshkora tarzda tashkil etilishi, har bir abituriyentga teng sharoitlar yaratilishi universitetimiz jamoasi uchun doimiy ustuvor vazifalardan biri hisoblanadi.

Boshqa rubrikalarda mashhur

Barcha Rubrikalar

Maktabgacha va maktab ta’limi tizimining ilmiy muammolari.

Maktabgacha va maktab ta’limi tizimining ilmiy muammolari pedagogik jarayonni takomillashtirish, ta’lim sifatini oshirish hamda zamonaviy ta’lim talablariga mos ilmiy yechimlarni ishlab chiqishga qaratilgan dolzarb masalalarni...

JDPUda pedagogik mahoratini oshirishga qaratilgan uzluksiz kasbiy rivojlanish o‘quv seminarlarining navbatdagi bosqichi yakunlandi.

Mashhur ekspert-trener, professor Ishmuhammedov Ravshan Jo‘rayevich ishtirokida o‘tkazilgan uch kunlik seminarlarda zamonaviy pedagogik texnologiyalar tinglovchilarga sodda va ta’sirchan usullarda yetkazildi.

JDPUda professor-o‘qituvchilar uchun TOP–300 OTMlar tajribasiga asoslangan o‘quv seminari davom etmoqda.

Jizzax davlat pedagogika universitetida professor-o‘qituvchilar uchun dunyoning TOP–300 oliy ta’lim muassasalari tajribasiga asoslangan o‘quv seminari o‘z ishini davom ettirmoqda.