Bugun mamlakatimizdagi barcha oliy ta’lim muassasalarida yangi o‘quv yilining dars jarayonlari boshlandi. O‘quv xonalari yana talabalar bilan gavjum bo‘lib, ularni mehr bilan o‘z bag‘riga oldi.

Qaysi auditoriyaga kirmang, u yerda “Vatan uchun, xalq uchun, millat uchun” shiori ostida “Mustaqillik darslari” qizg‘in tarzda o‘tkazilayotganini ko‘rish mumkin.

Dars jarayonlarida ustozlar mustaqillik tarixi, yurtimiz ozodligi va taraqqiyoti yo‘lida kurashgan buyuk ajdodlarimiz haqida qiziqarli ma’lumotlarni talabalarga yetkazmoqdalar. Shu bilan birga, yoshlar ham Vatan, ona-yurt va mustaqillik haqidagi o‘z fikr va mulohazalarini ifodalashga harakat qilmoqdalar.

“Mustaqillik darslari” nafaqat ma’rifiy, balki tarbiyaviy ahamiyatga ham ega bo‘lib, talabalarda milliy g‘urur, Vatanga sadoqat va fuqarolik mas’uliyatini kuchaytirishga xizmat qilmoqda.

Suratlarda Jismoniy tarbiya va sport, Tabiiy fanlar hamda Pedagogika, psixologiya va inklyuziv ta’lim fakultetlarida o‘tkazilayotgan “Mustaqillik darslari”dan lavhalar aks etgan.