Uchrashuv ikki tomonlama akademik hamkorlikni yangi bosqichga olib chiqish yo‘lidagi muhim qadam sifatida e’tirof etildi.
Muzokaralar davomida ingliz tili ta’limini rivojlantirish va xalqaro hamkorlikni kengaytirish masalalari muhokama qilindi. Har yili universitetda Markaziy Osiyo miqyosida ingliz tili o‘qituvchilarini birlashtiruvchi yirik xalqaro konferensiya tashkil etish tashabbusi ko‘rib chiqildi.
Shuningdek, qo‘shma ilmiy tadqiqot guruhlarini shakllantirish, xalqaro grant loyihalarida hamkorlikda ishtirok etish, sun’iy intellektni til ta’limiga integratsiya qilish, o‘quv dasturlarini modernizatsiya qilish hamda CEFR asosida baholash tizimini takomillashtirish ustuvor yo‘nalishlar sifatida belgilandi.
Tomonlar qo‘shma TESOL sertifikat dasturlari va malaka oshirish modullarini ishlab chiqish masalalarini ham muhokama qildilar. Mazkur uchrashuv uzoq muddatli va barqaror hamkorlikni mustahkamlashga xizmat qilishi ta’kidlandi.
