Jizzax davlat pedagogika universitetida navbatdan tashqari yig‘ilish o‘tkazildi.
Unda Oliy ta’lim, fan va innovatsiyalar vazirligi Ta’lim sifatini nazorat qilish boshqarmasi boshlig‘i Mamanazarov Abdusamat Abdusaitovich hamda universitet rahbariyati va professor-o‘qituvchilar ishtirok etishdi. Yig‘ilishda ishtirok etgan Ta’lim sifatini nazorat qilish boshqarmasi boshlig‘i Mamanazarov Abdusamat Abdusaitovich so‘nggi yillarda yurtimizda oliy ta’limga qaratilgan islohotlar, xususan, mazkur universitetda amalga oshirilayotgan keng ko‘lamdagi bunyodkorlik ishlari haqida ta’kidlab o‘tdi. Shundan so‘ng Abdusamat Mamanazarov Oliy ta’lim fan va innovatsiyalar vazirining tegishli buyrug‘i bilan Jizzax davlat pedagogika universitetining O‘quv ishlari bo‘yicha prorektori lavozimiga Jo‘raqulov Furqat Noryigitovich tayinlanganini o‘qib eshittirdi.
F.Jo‘raqulov 1980-yilda Sirdaryo viloyati Oqoltin tumanida tug‘ilgan. 2001 yilda O‘zbekiston Milliy universiteti, 2003 yilda O‘zbekiston Milliy universiteti hamda 2012 yilda Toshkent davlat iqtisodiyot universitetini tamomlagan. Mehnat faoliyatini 2003 yildan O‘zbekiston Milliy universiteti jahon falsafasi tarixi va mantiq kafedrasi o‘qituvchiligidan boshlagan. Furqat Jo‘raqulov o‘tgan yillar mobaynida ta’lim tizimi hamda mahalliy ijro hokimiyatining turli xil lavozimlarida faoliyat olib borgan. Siyosiy fanlar doktori, professor.
