JDPUda sohibqiron Amir Temur 687 yilligiga bag‘ishlab “Amir Temur dahosi – adolat timsoli” mavzusida ma’naviy-ma’rifiy tadbir tashkil etildi. – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
JDPUda sohibqiron Amir Temur 687 yilligiga bag‘ishlab “Amir Temur dahosi – adolat timsoli” mavzusida ma’naviy-ma’rifiy tadbir tashkil etildi.

Yangiliklar

08/04/2023

Chop etish

JDPUda sohibqiron Amir Temur 687 yilligiga bag‘ishlab “Amir Temur dahosi – adolat timsoli” mavzusida ma’naviy-ma’rifiy tadbir tashkil etildi.

Amir Temur – dunyo tarixida juda katta nom qoldira olgan buyuk sarkarda, O‘rta asrlarning eng mashhur afsonaviy qo‘mondoni, ulkan imperiya asoschisi, Temuriylar sulolasining bosh bo‘g‘ini, kuchli siyosatchi, hayoti davomida biror marta bo‘lsa ham raqibga yengilmagan buyuk inson. Yengilmas sarkarda sohibqiron Amir Temur tavalludining 687 yilligi munosabati bilan tashkillashtirilgan tadbirda universitet professor-o‘qituvchilari, talaba yoshlar va harbiy xizmatchilar ishtirok etishdi.

Amir Temur — o‘zligimizni anglash, milliy an’ana va qadriyatlarimizni tiklash borasidagi ulug‘vor ishlarda xalqimizga ma’naviy kuch bag‘ishlab kelayotgan ulug‘ siymolardan biridir. Sohibqiron tavallud topgan kun va sarkarda tavalludining 687 yilligi tadbirlari yurtimiz bo‘ylab keng nishonlanmoqda.

Ana shu munosabat bilan tashkil etilgan tadbirda temuriylarning milliy davlatchilik tarixi, ilm-fan, madaniyat, bunyodkorlik va boshqa sohalardagi ulkan merosi, Amir Temurning dunyo taraqqiyotiga qo‘shgan beqiyos hissasi, sarkardaning mardlik, jasorat, adolat, sadoqat hamda vatanparvarlikka yo‘g‘irilgan e’tirofli va ezgu fazilatlari haqida qiziqarli ma’lumotlar berildi. Tadbirning badiiy qismini Jizzax harbiy garnizoning orkestri ochib bergan bo‘lsa, talabalar tomonidan ijro etilgan sahna ko‘rinishlari davom ettirdi.

“Temur tuzuklari” va boshqa tarixiy manbalardan aytilgan fikrlar ishtirokchilarda katta taassurot qoldirdi. Talabalar tomonidan kuylangan kuy-qo‘shiqlar hamda Amir Temur hayotiga oid manbalarning o‘zbek, rus, tillarida ifodalanishi barchaga birdek manzur bo‘ldi.

Ta’kidlash joizki, bu kabi tadbirlarning keng nishonlanishi yosh avlodning tariximizga oid bilimini, ulug‘ bobomiz siymosiga hurmat-ehtiromini yanada yuksaltiradi.

Boshqa rubrikalarda mashhur

Barcha Rubrikalar

Maktabgacha va maktab ta’limi tizimining ilmiy muammolari.

Maktabgacha va maktab ta’limi tizimining ilmiy muammolari pedagogik jarayonni takomillashtirish, ta’lim sifatini oshirish hamda zamonaviy ta’lim talablariga mos ilmiy yechimlarni ishlab chiqishga qaratilgan dolzarb masalalarni...

JDPUda pedagogik mahoratini oshirishga qaratilgan uzluksiz kasbiy rivojlanish o‘quv seminarlarining navbatdagi bosqichi yakunlandi.

Mashhur ekspert-trener, professor Ishmuhammedov Ravshan Jo‘rayevich ishtirokida o‘tkazilgan uch kunlik seminarlarda zamonaviy pedagogik texnologiyalar tinglovchilarga sodda va ta’sirchan usullarda yetkazildi.

JDPUda professor-o‘qituvchilar uchun TOP–300 OTMlar tajribasiga asoslangan o‘quv seminari davom etmoqda.

Jizzax davlat pedagogika universitetida professor-o‘qituvchilar uchun dunyoning TOP–300 oliy ta’lim muassasalari tajribasiga asoslangan o‘quv seminari o‘z ishini davom ettirmoqda.