Xorijiy tillar fakulteti qoshida faoliyat yuritayotgan ushbu to‘garak- o‘qituvchilarning pedagogik mahoratini oshirish hamda xorijiy tillarni o‘qitishdagi yangi metodlardan xabardor qilish maqsadida tashkil etilgan.
To‘garakning dekabrdagi mavzusi «Yil davomidagi o‘qitishdagi muvaffaqiyat» haqida bo‘lib o‘qituvchilar tomonidan darslar mobaynida e’tirof etiladigan muvaffaqiyatli tajribalari, shuningdek duch kelingan muammolar va ular borasidagi yechimlar bo‘yicha suhbatlar o‘tkazildi.
Bu mavzuning davomi sifatida o‘qituvchining dars mobaynidaga turli rollarini aniqlashga yo‘naltirilgan «Who am I?» texnikasi tushuntirilib, qatnashchilar tomonidan egallangan tajribalari orqali o‘zlarida yashiringan rolni aniqlashdi. Ushbu rollarning o‘qituvchi dars mobaynida ko‘zlagan maqsadlariga erishishdagi ahamiyati haqida fikrlar almashilindi.
O‘qituvchilar ushbu mavzu doirasida tajriba va bilimlar almashishdi. To‘garakning bu mashg‘uloti ham qiziqarli bahs-munozaralar va yangi ko‘nikmalarga ega bo‘lish bilan o‘z yakuniga yetdi.
