21-oktyabr — O‘zbek tili bayrami kunidir. Ushbu kunga bag‘ishlangan «Mintaqalararo hamkorlikni qo‘llab-quvvatlash»–ta’lim sohasida tadqiqotlar va innovatsiyalar bo‘yicha 1-chi O‘zbekiston-Ozarbayjon akademik forumi onlayn formatda bo‘lib o‘tmoqda. Ikkala davlatdan 25 ta universitetdan 85 ta kuchli mutaxassis olimlar prezentatsiyasi bilan qatnashayotgan tadbirga Jizzax davlat pedagogika universiteti mezbonlik qilmoqda. Forumni Silk Road Research Academy asoschisi, professor Azamat Akbarov ochib berdi. U o‘z nutqida O‘zbekiston – Ozarbayjon o‘rtasidagi diplomatik munosabatlar , ushbu forum bu aloqalarning 28 yilligiga hamda Ozarbayjonning Umummilliy Lideri Haydar Aliyevning 100 yilligiga bag‘ishlanganligini alohida ta’kidlab o‘tdi.
Kirish qismini JDPU rektori Sh.Sharipov davom ettirdi. O‘zbek tili bayrami munosabati bilan tashkil etilayotgan forumning ahamiyati undan kutilayotgan natijalar xususida to‘xtaldi.
Ta’kidlab joiz Forumdagi prezentatsiyalar o‘zbek, ozarbayjon, rus va ingliz tillarida taqdim etiladi.
Forumning maqsadi esa Xalqaro almashinuvni oshirish va rivojlantirish, Madaniyatlararo muloqotni kuchaytirish, Fanlararo loyihalarni rag‘batlantirish, Yangi bilimlarni yaratish va almashish Hamkorlikda maqola yozish va loyihalar tayyorlashdan iborat. Forum kun davomida o‘z ishini davom ettiradi.
