O‘zbekiston Respublikasi Oila va xotin-qizlar qo‘mitasi huzuridagi “Ayol ma’rifati” nomli ilmiy-ijodiy soha vakillaridan iborat Jamoatchilik kengashi tomonidan tashkillashtirilgan “Ma’rifatli ayol-farovon jamiyat tayanchi” mavzusidagi ilmiy-amaliy konferensiyada viloyatimizdagi barcha OTMlardan olima, ijodkor xotin-qizlar ishtirok etishdi.
ZOOM platformasi orqali ulanib o‘tkazilgan anjumanda yurtimizda xotin-qizlarning ilm olishlari uchun yaratilgan imkoniyatlar, islom dinida ayollarning ilmli bo‘lishining ahamiyati hamda oilalardagi ma’naviy-axloqiy muhitni mustahkamlash xususida so‘z yuritildi.
Mamlakatimizda xotin-qizlarni ilmiy faoliyatga keng jalb etish, ularning dasturiy ishlanmalari, innovatsion g‘oyalarini qo‘llab-quvvatlash borasida salmoqli ishlar amalga oshirilmoqda. Bugun ham xotin-qizlarimiz farzand tarbiyasida, turli sohalarda, mahallalarda fidoyilik ko‘rsatmoqda. So‘nggi yillarda xotin-qizlarning huquqiy mavqeini yuksaltirish, oila institutini himoya qilishga qaratilgan ko‘plab qonunlar, Prezident farmon va qarorlari qabul qilindi hamda ular amaliy jihatdan hayotga tatbiq etilmoqda.Tadbirda so‘z olganlar ana shu masalalarga alohida to‘xtalishdi. Tadbir so‘ngida faol ishtirokchilar taqdirlandi.
