Davra suhbatida Korrupsiya, uning turlari, ko‘rinishlari va oqibatlari. O‘zbekiston Respublikasi Prezidenti Shavkat Mirziyoyev joriy yilning 5-mart kuni Korrupsiyaga qarshi kurashish milliy kengashi yig‘ilishida ko‘tarilgan dolzarb masalalar xususida so‘z bordi.
Unda so‘zga chiqqanlar mahalla faollari, nuroniylar, ziyolilar, yozuvchi va shoirlar, san’at va madaniyat xodimlari, tadbirkorlar, taniqli shaxslar, rahbarlar, deputat va senatorlar – umuman butun jamoatchilik birlashib, korrupsiyaga kurashish bo‘yicha “halollik vaksinasi” bilan emlanish lozimligini ta’kidlashdi. Shuningdek @JIZDOSTLIKMFY_BOT anonim bot orqali sotsiologik so‘rovnomada qatnashish va har kim o‘zi to‘g‘ri deb topgan fikrini belgilashi, bu orqali korrupsiyani keltirib chiqarayotgan omillar, sabab va sharoitlarni ma’lum miqdorda bo‘lsa ham aniqlash mumkinligi to‘g‘risida aytib o‘tildi.
Davra suhbati davomida korrupsiya, manfaatlar to‘qnashuvi bo‘yicha o‘zaro savol-javoblar bo‘lib o‘tdi. Shuningdek, korrupsiya, manfaatlar to‘qnashuvining oldini olish bo‘yicha chora-tadbirlarni yanada kuchaytirish bo‘yicha fikrlar, takliflar bildirildi.Davra suhbatiga O‘zbekiston Respublikasi DXX Akademiyasi professor va dotsentlari, Oliy ta’lim, fan va innovatsiyalar vazirligi Jizzax viloyati hududiy boshqarmasidan vakillar, universitet professor-o‘qituvchilari, talaba yoshlar ishtirok etishdi.
