Keyingi yillarda har yili aprel oyida “Kitobxonlik haftaligi” tashkil etish an’ana tusini oldi.
“Kitob – millatning madaniy va ma’naviy boyligi” mavzusida o‘tkazilgan tadbirda Yoshlar masalalari, ma’naviy-ma’rifiy ishlar bo‘yicha birinchi prorektor S.Nazarqosimov, va boshqalar so‘zga chiqib, mamlakatimizda xalqimiz, ayniqsa, yosh avlodning ma’naviy-intellektual salohiyati, ongi tafakkuri va dunyoqarashini yuksaltirishga, ularni ona Vataniga muhabbat va sadoqat tuyg‘usi bilan tarbiyalashga katta e’tibor qaratilayotganini ta’kidlashdi.
O‘zbekiston Respublikasi Vazirlar Mahkamasining 2020-yil 14-fevraldagi “2020-2025-yillarda kitobxonlik madaniyatini rivojlantirish va qo‘llab-quvvatlash milliy dasturini tasdiqlash to‘g‘risida”gi qarori asosida 2021-yildan boshlab har yili aprel oyining birinchi haftasi “Kitobxonlik haftaligi” etib belgilandi. Haftalik davomida “Ochiq eshiklar kuni” kitoblar ko‘rgazmasi, “Bir haftada bir kitob”, aksiyalari tashkil etiladi. Aholi, ayniqsa, yoshlar o‘rtasida oilaviy kitob o‘qish an’anasini yo‘lga qo‘yish maqsadida “Eng yaxshi kitobxon oila”, “Eng yaxshi kitobxon ustoz”, “Eng yaxshi kitobxon talaba” tanlovlari o‘tkaziladi.
Tadbirda yig‘ilganlar e’tiboriga teatrlashtirilgan musiqiy dastur namoyish etildi. Iqtidorli yoshlar tomonidan milliy raqslar, kuy va qo‘shiqlar ijro etildi. Yangi nashr etilgan kitoblar ko‘rgazmasi tashkil etildi.Kitobxonlik haftaligi 15-aprelga qadar davom etadi va haftalik doirasida kitob ko‘rgazmalari, ko‘rik-tanlovlar, ijodkorlar bilan uchrashuvlar, yangi adabiyotlar sharhi, badiiy va musiqiy kechalar, «Sevimli kutubxonamga kitob sovg‘a qilaman» aksiyalari o‘tkaziladi.
