Universitet rektori tashabbusi bilan tashkil etilgan “Kitobxon talaba” ko‘rik-tanlovining final, ya’ni fakultetlar aro bosqichi muvaffaqiyatli o‘tkazildi. Unda har bir fakultetning birinchi bosqichdan eng yuqori natijani ko‘rsatgan 6 nafar talabalardan iborat jamoalari Zakovat intellektual turnirida o‘zaro bellashdi.
Turnir davomida talabalar nafaqat kitobxonlik salohiyatini, balki tez fikrlash, mantiqiy tahlil va ijodiy yondashuv ko‘nikmalarini ham namoyish etdilar. Bellashuv yuqori raqobat va qiziqarli intellektual kurash ruhida kechdi.
Yakunda: 1-o‘rin – Aniq fanlar fakulteti 2-o‘rin – Tabiiy fanlar fakulteti 3-o‘rin – Fizika va texnologik ta’lim fakulteti
Mazkur tanlov yoshlarni kitobxonlikka, intellektual rivojlanishga va bilimga bo‘lgan qiziqishni oshirishga xizmat qilmoqda hamda fakultetlararo do‘stona hamkorlikni mustahkamlashga katta turtki beradi.
