Jizzax davlat pedagogika universitetida professor-o‘qituvchilar uchun shanba kunlari uzluksiz kasbiy rivojlanish kunlari etib belgilangan bo‘lib, mazkur kunlarda respublikadagi taniqli olimlar va ekspertlar ishtirokida o‘quv seminarlari muntazam tashkil etib kelinmoqda.

Jumladan, joriy yil yanvar oyi boshida Toshkent davlat o‘zbek tili va adabiyoti universiteti huzuridagi Pedagog kadrlarni qayta tayyorlash va ularning malakasini oshirish tarmoq markazi katta o‘qituvchisi Ishmuhamedov Ravshan Jo‘rayevich ishtirokida 3 kunlik o‘quv seminari o‘tkazilgan edi.

Mazkur seminarlar professor-o‘qituvchilar tomonidan ijobiy baholanib, ularni davom ettirish bo‘yicha bildirilgan takliflar asosida Ravshan Jo‘rayevich yana universitetga ma’ruza darslari o‘tish uchun taklif etildi.

Navbatdagi o‘quv seminari “O‘quv jarayonining samaradorligini oshirishga yo‘naltirilgan pedagogik texnologiyalar va o‘qitish metodlari” mavzusiga bag‘ishlanib, unda kuni kecha kafedra mudirlari va fakultet dekanlari ishtirokida o‘tkazilgan ochiq muloqotda bildirilgan taklif va fikrlar asosida mashg‘ulotlar tashkil etildi.

Avval xabar berganimizdek o‘quv seminarlarida faol ishtirok etgan 30 nafar mentor tanlab olinib, ularning kafedralar kesimida faoliyat yuritishi rejalashtirilgan edi. Bugungi seminar yakunida ushbu 30 nafar mentorning mualliflik ishlari himoyasiga bag‘ishlangan konsultatsiya mashg‘uloti ham o‘tkazildi.