Jizzax davlat pedagogika universitetida “Talaba bahori” dasturi doirasida o‘tkazilgan “CULTURE DAY” yoshlar festivali tantanali tarzda o‘tkazildi. Ushbu festival “Millatlararo totuvlik va do‘stlik” g‘oyasiga asoslanib, turli millat va elatlar madaniyatini targ‘ib qilish, yoshlarda bag‘rikenglik va hamjihatlik tuyg‘ularini mustahkamlashga qaratilgan edi.Tadbirda universitetning Xorijiy tillar fakulteti II bosqich talabalari faol ishtirok etib, har bir guruh o‘ziga xos milliy liboslar, taomlar, urf-odatlar va madaniy meros namunalarini namoyish etdi. Talabalar tomonidan O‘zbekiston, Buyuk Britaniya, AQSh, Ispaniya, Rossiya, Birlashgan Arab Amirliklari, Koreya, Hindiston, va Turkiya davlatlariga taalluqli sahnalashtirilgan milliy raqslar, qo‘shiqlar, folklor chiqishlar va teatr sahnalari tomoshabinlarga katta taassurot qoldirdi.
Festival doirasida milliy taomlar ko‘rgazmasi, ijodiy ko‘rgazmalar, o‘yinlar va interaktiv dasturlar ham tashkil etildi. Tadbir ishtirokchilariga yuqori kayfiyat ulashdi va xalqaro madaniy almashinuv ruhini kuchaytirdi.
Tadbir so‘nggida eng faol ishtirokchilar sertifikat va esdalik sovg‘alari bilan taqdirlandi.
