Biologik xilma-xillik – barchamiz uchun xavotir o‘yg‘otuvchi mavzudir, va barchamiz yo‘qolish xavfi ostdagi turlar va ularning yashash muhitini himoya qilishda faol ishtirok etishimiz zarurdir. Anjumanda ana shu dolzarb masalaga e’tibor qaratildi. Respublikamizning turli viloyatlaridan ishtirok etgan yetuk olimlar ana shu mavzu atrofida bahs munozara yuritishdi.
Anjumanni o‘tkazishdan maqsad – Markaziy Osiyo biolxilma-xilligiga oid zamonaviy tadqiqotlar, muhofaza qilishning dolzarb muammolari, yechimlari bo‘yicha takliflar, ulardan barqaror foydalanish, agrobioxilma-xillikka oid muammolar va ularning yechimi hamda atrof-muhit va bioxilma-xillik muhofazasida ekologik madaniyatning ahamiyatiga oid masalalarni muhokama etish hamda tegishli tavsiyalar ishlab chiqishdir.
