JDPU va MI o‘rtasida strategik hamkorlik boshlandi.Ilm-fan, ta’lim va tajriba almashinuvi yo‘lida yangi qadam

Jizzax davlat pedagogika universiteti xalqaro hamkorlik doirasida yana bir muhim qadam tashladi. Rossiyaning nufuzli oliy ta’lim muassasalaridan biri — Milliy tadqiqot universiteti “Moskva elektron texnika instituti” (MIET) vakili, yuridik fanlari doktori, professor Lev Vladimirovich Bertovskiy universitetimizga tashrif buyurdi.

Tashrif doirasida professor L.V. Bertovskiy JDPU rektori, professor Shavkat Sharipov bilan uchrashdi. Muloqot davomida tomonlar o‘zaro manfaatli hamkorlikni yo‘lga qo‘yish bo‘yicha shartnoma imzoladilar.

Ushbu hamkorlik quyidagi yo‘nalishlarni qamrab oladi:

• talabalar almashinuvi dasturlarini yo‘lga qo‘yish;

• professor-o‘qituvchilarni stajirovka (malaka oshirish)ga yuborish;

• ilmiy loyihalar va maqolalarni birgalikda tayyorlash.

Mazkur kelishuv JDPUning xalqaro aloqalarini kengaytirish, ilmiy-tadqiqot salohiyatini oshirish hamda zamonaviy bilimlar almashinuvini ta’minlashda muhim ahamiyat kasb etadi.

📌 Ushbu hamkorlik kelgusida ikki tomonlama ta’lim dasturlarini joriy etish va qo‘shma ilmiy tadqiqotlar o‘tkazish imkonini yaratadi.